Ko ēhea ngā Tatauranga 2023 ka whakaputaina e Te Kāhui Raraunga ā te 31 o Oketopa 2024? 

Ā te Tāite te 31 o Oketopa ka whakaputaina e Te Kāhui Raraunga ngā Tatauranga 2023 raraunga whānau, whānau whānui, kāinga hoki e pā ana ki te whakapapa Māori me ngā tūhononga ā-iwi ki Te Whata. 

​​

He aha ngā raraunga whānau, whānau whānui, kāinga hoki? 

Ko tā ngā raraunga whānau, whānau whānui hoki he whakaahua mai i te hanganga o ngā whānau Māori me ngā mema ā-iwi, hei tauira, tokorua ngā mātua, tokorua ngā tamariki. Ko tā ngā raraunga kāinga he hura i te āhua o tā te Māori oranga, tae atu ki te rahi o te whare, te pai o te whare me te whiwhinga moni.  

​

Ki hea kitea ai ngā raraunga ina whakaputaina ai? 

Ka wātea mai ngā māramatanga ki Te Whata ā te Tāite te 31 o Oketopa. Ka tukuna hoki ngā mōhiohio mō te whakaputanga ki ā mātou hongere pāhopori, paetukutuku hoki. 

​

Me mātua whai takiuru ahau kia kitea ngā māramatanga Tatauranga 2023 ā te 31 o Oketopa? 

Kao, ka whai wāhi ngā tāngata katoa ki ngā māramatanga ina whakaputaina ai ki Te Whata. Mā ngā Kaiwhakahaere Mōhiohio ā-Iwi, ngā Pou Tarahiti, ngā Kaiwhakahaere Matua, ngā Kaiwhakahaere me ngā Kaimahi Poari Rangapū Iwi Māori, mā rātou ngā āheinga takiuru. Pānuihia ngā kōrero mō ngā Raraunga Iwi me ngā Kaiwhakahaere Mōhiohio ā-Iwi ki Te Whata.   

​

He aha te take e whakaputaina ana e Te Kāhui Raraunga ētahi raraunga noa iho o te Tatauranga 2023 ā te 31 o Oketopa 2024? He nui atu ngā mōhiohio i tukuna e au ki taku puka Tatauranga. 

E whakaputaina ana e Te Kāhui Raraunga ngā raraunga whānau, whānau whānui, kāinga hoki e pā ana ki te tūhononga ā-iwi me te whakapapa Māori ki Te Whata nā runga i tō mātou whanaungatanga Mana Ōrite ki a Tatauranga Aotearoa. Koinei te  whakamutunga o ngā whakaputanga Tatauranga 2023 matua e toru ki Te Whata. I whakaputaina ngā tataunga taupori whakapapa Māori e pā ana ki ngā rohe me te pakeke o te tangata i te 29 o Mei, ā, i whakaputaina ngā raraunga tūhononga ā-iwi me te whakapapa Māori takitahi, whare hoki i te 26 o Hepetema.   

​

Ka whakaputaina e Tatauranga Aotearoa ērā atu raraunga o te Tatauranga 2023. Ka kitea te whakaputanga hōtaka Tatauranga 2023 ki te paetukutuku o Tatauranga Aotearoa.    

​

Kāore au i te hiahia kia mahue te kite atu i ngā māramatanga i te wā tonu ka whakaputaina. Ka taea rānei te whakamōhio mai i te wā tonu kua rite ngā māramatanga hei titiro atu? 

Mēnā he takiuru tāu ki Te Whata, ka whiwhi pānui koe ki te taunga īmērā e tūhono ana ki tō pūkete ina kainamu ai te whakaputanga, ā, i te rā tonu ka whakaputaina. 

​

Mēnā kāore ō takiuru, whāia a Te Kāhui Raraunga me Te Whata i te pāhopori kia kitea ngā pānui mō te whakaputanga. Anei e whai ake nei:   

• Pukamata Te Kāhui Raraunga

• Paeāhua Te Kāhui Raraunga 

• LinkedIn Te Kāhui Raraunga

• Paeāhua Te Whata

• LinkedIn Te Whata

​

Ka āhei rānei te toro atu ki ngā tūtohi raraunga tikiake mō tōku iwi ā te 31 o Oketopa 2024? 

Ka āhei ngā Kaiwhakahaere Mōhiohio ā-Iwi me ngā mema ā-iwi kei a rātou te mana pānui-anake ki te whārangi tūmataiti o tō rātou iwi, ka āhei rātou te tikiake i ngā tūtohi raraunga ā-iwi i Te Whata ā te 31 o Oketopa 2024. Ka wātea hoki ngā tono raraunga ā-iwi mō ngā raraunga takitahi, whānau whānui, kāinga hoki, ka wātea ēnei mā Te Ara Takatū.    

​

He nui atu rānei ngā taipitopito o ngā tūtohi raraunga tikiake ka wātea ā te 31 o Oketopa i ērā ka kitea e tūmatanui? 

Āe, he nui atu ngā taipitopito i ngā tūtohi raraunga ā-iwi tikiake i ērā ka whakaatuhia i ngā māramatanga kei Te Whata. Ko ngā māramatanga Te Whata he mea whakaputa e ngā mātanga kaitātari raraunga Māori mā te tātari i ngā raraunga taketake, mā konā e whakaatuhia ai ngā māramatanga whaitake, whai tikanga ki te iwi Māori.   

​

Ka panonihia rānei ngā māramatanga mā tōku iwi e ngā raraunga ka whakaputaina ā te Tāite te 31 o Oketopa?   

Āe. Ka whakaputaina ngā raraunga me ngā māramatanga hou te taha ki te Tatauranga 2023 mō ngā whānau, ngā whānau whānui, ngā whare hoki. Ka kitea hoki he taurangi hou mō ngā mema ā-iwi e noho whānau ana, e noho whare ana kāore anō kia whakaputaina ki Te Whata, pērā i te whiwhinga moni, te hunga noho kāinga me te noho kōpiripiri. 

​

Ā te Tāite te 31 o Oketopa, ka āhei rānei te kite i ngā māramatanga mō ngā kaupapa whāiti mā tōku iwi? Hei tauira, tokohia ngā tāngata o tōku iwi e noho ana ki tētahi kāinga hauora? 

Āe, ka kitea he kaupapa hou, he taurangi hou te taha ki ngā raraunga whānau me ngā raraunga whare e pā ana ki ngā tūhononga ā-iwi me te whakapapa Māori.  

​

I mua i whiwhi pānui whakaahua tōku iwi e mau ana ō mātou māramatanga Tatauranga matua. Ka whiwhi pānui whakaahua rānei mātou mō tēnei whakaputanga? 

Ka tukuna e Te Kāhui Raraunga he pānui whakaahua tikiake me ngā māramatanga Tatauranga 2023 matua mā tō iwi. Taihoa ka wātea ēnei ki Te Whata, whai muri mai i te whakaputanga o ngā raraunga whānau, whānau whānui, whare hoki e pā ana ki ngā tūhononga ā-iwi me te whakapapa Māori. Ka whakairihia he pānui whakamōhio ki ā mātou hōngere ina rite ai ēnei pānui whakaahua.